വിലക്കുനീങ്ങി രാമചന്ദ്രനെത്തി

ഹര്‍ഷാരവം മുഴക്കിയും , വായ്ത്താരിയിട്ടും ജനം രാമചന്ദ്രന്റെ വരവ് ആഘോഷമാക്കി. ചൂരക്കാട്ടുകര ചീരക്കുഴി ഷഷ്ഠി മഹോത്സവത്തിനാണ് രാമചന്ദ്രന്റെ രാജകീയ തിരിച്ചു വരവ് നടന്നത്. തൃശൂര്‍ പൂരത്തിന് തുടക്കം കുറിക്കുന്ന തെക്കേഗോപുരനട തുറന്നുവയ്ക്കലിന് രാമചന്ദ്രനായിരുന്നു പതിറ്റാണ്ടുകളായി ചുമതല. നെയ്തലക്കാവിലമ്മയെ ശിരസിലേന്തി എത്തുന്ന രാമചന്ദ്രന്‍ വടക്കുന്നാഥന്റെ ഗോപുരനട തുറന്നു വയ്ക്കുന്നതോടെ വിഖ്യാതമായ തൃശൂര്‍ പൂരത്തിനു ആരംഭമാവുകയായി. രാമചന്ദ്രന് എഴുന്നള്ളിപ്പിന് വിലക്കുണ്ടായിരുന്നു. ഇതാണ് കഴിഞ്ഞദിവസം നീങ്ങിയത്.