മരണസംഖ്യ ഉയരുന്നു

തുര്‍ക്കിയില്‍ മാത്രം 2316 പേര്‍ മരിച്ചതായും 13,000 പേര്‍ക്ക് പരുക്കേറ്റതുമായാണ് ഔദ്യോഗിക വിവരം. അതേസമയം ഇന്നും തുര്‍ക്കിയില്‍ ഭൂചലനമുണ്ടായത് ആശങ്ക വര്‍ധിപ്പിക്കുകയാണ്. 5.6 തീവ്രതയാണ് രേഖപ്പെടുത്തിയിരിക്കുന്നത്. തുര്‍ക്കിയുടെ ചരിത്രത്തിലെ രണ്ടാമത്തെ വലിയ ഭൂകമ്പ ദുരന്തമാണിത്. 1999-ല്‍ ഉണ്ടായ ഭൂകമ്പത്തില്‍ 17,000-ലധികം പേരാണ് മരണപ്പെട്ടത്. സിറിയയിലും മരണസംഖ്യ ഉയരുകയാണ്. ലഭിക്കുന്ന കണക്കുകള്‍ പ്രകാരം ഇതിനോടകം തന്നെ 1,444 പേര്‍ക്ക് ജീവന്‍ നഷ്ടമായി. പരുക്കേറ്റവരുടെ സംഖ്യ 3,500 കവിഞ്ഞിട്ടുണ്ട്. ഏറ്റവും കൂടുതല്‍ നാശനഷ്ടമുണ്ടായ തുര്‍ക്കിയുടെ തെക്കന്‍ മേഖലകളിലെ റോഡുകളെല്ലാം തകര്‍ന്നത് രക്ഷാപ്രവര്‍ത്തനത്തെ കാര്യമായി തന്നെ ബാധിച്ചിട്ടുണ്ട്.