ചക്കരക്കൽ വ്യാപാരി വ്യവസായിയുടെയും പോളി ലാബിന്റെയും സംയുക്താഭിമുഖ്യത്തിൽ സൗജന്യ മെഡിക്കൽ ക്യാമ്പ് നടന്നു.

കൊളശ്ശേരി: ചക്കരക്കൽ വ്യാപാരി വ്യവസായിയുടെയും പോളി ലാബിന്റെയും സംയുക്താഭിമുഖ്യത്തിൽ സൗജന്യ മെഡിക്കൽ ക്യാമ്പ് മേയ് 20 ന് കൊളശ്ശേരി അക്ഷയ സെന്ററിന് സമീപമുള്ള ലൈഫ് ക്ലിനിക്കിൽ വച്ച് നടന്നു. രാവിലെ 7 മണി മുതൽ വൈകുന്നേരം 5 മണി വരെയാണ് ക്യാമ്പ് സംഘടിപ്പിച്ചിരുന്നത്. ക്യാമ്പിൽ പങ്കെടുത്തവർക്കെല്ലാം തന്നെ ബ്ലഡ് പ്രഷർ, ബ്ലഡ് ഷുഗർ, കൊളസ്‌ട്രോൾ എന്നിവയുടെ നിർണ്ണയം പോളി ലാബിന്റെ വിദഗ്ധർ സൗജന്യമായി ചെയ്ത് നൽകി. അന്നേ ദിവസം മറ്റ് ലാബ് പരിശോധനകൾക്ക് 20% ഡിസ്‌കൗണ്ടും പോളി ലാബ് നൽകി. കൂടാതെ വിവിധ ലാബ് പരിശോധനയ്ക്കുള്ള ഡിസ്‌കൗണ്ട് കാർഡുകളും ഇതോടൊപ്പം തന്നെ വിതരണം ചെയ്തു.