വിസി നിയമനങ്ങള്‍ ചട്ടവിരുദ്ധമാണെങ്കില്‍ ഉത്തരവാദി ഗവര്‍ണറാണ്

നിയമസഭ പാസാക്കി അയക്കുന്ന ബില്ലുകളും ഓര്‍ഡിനന്‍സുകളും ഒപ്പുവയ്ക്കാതെ പിടിച്ചുവയ്ക്കുന്ന കേരള ഗവര്‍ണറുടെ നിലപാടിലെ പ്രതിഷേധം പരസ്യമായി രേഖപ്പെടുത്തുന്നു. 11 ഓര്‍ഡിനന്‍സുകള്‍ ലാപ്‌സായി കഴിഞ്ഞിരിക്കുകയാണ്. ബില്ലുകളില്‍ ഒപ്പിടില്ലെന്ന അദ്ദേഹത്തിന്റെ പ്രസ്താവന ഇന്ത്യന്‍ ഭരണഘടനയുടെ എല്ലാ മൂല്യങ്ങള്‍ക്കുമെതിരാണ്. ഇത് തെരഞ്ഞെടുക്കപ്പെട്ട നിയമസഭയോടുള്ള അവഹേളനവുമാണ്.മന്ത്രിമാര്‍ക്ക് മുകളില്‍ തനിക്കുള്ള ‘പ്രീതി’ പിന്‍വലിക്കും എന്നു പറഞ്ഞുകൊണ്ട് ഗവര്‍ണറുടെ പി ആര്‍ ഒ ട്വീറ്റ് ചെയ്തിരുന്നു. മന്ത്രിമാരെ ഗവര്‍ണര്‍ ക്യാബിനറ്റ് പദവിയോടെ നിയമിക്കുന്നത് മുഖ്യമന്ത്രിയുടെ ശുപാര്‍ശയുടെ അടിസ്ഥാനത്തിലാണ്. ഗവര്‍ണര്‍ക്ക് സ്വന്തം നിലയില്‍ മന്ത്രിമാരെ പുറത്താക്കാനോ നിയമിക്കാനോ വിവേവചനാധികാരങ്ങളില്ലെന്നും മുഖ്യമന്ത്രി പറഞ്ഞു.