ഡല്‍ഹി തൂത്തുവാരി ആം ആദ്മി

ഡല്‍ഹി മുനിസിപ്പല്‍ കോര്‍പറേഷന്‍ തെരഞ്ഞെടുപ്പില്‍ നാണംകെട്ട് കോണ്‍ഗ്രസ്. വെറും ഒമ്പതു സീറ്റില്‍ മാത്രമാണ് കോണ്‍ഗ്രസിന് മുന്നേറാന്‍ സാധിച്ചത്. കോണ്ഗ്രസിന്റെ ഓഫീസ് പൂട്ടിയിട്ടിരിക്കുന്ന അവസ്ഥയിലാണ്. പാര്ട്ടി പ്രവര്ത്തകരോ നേതാക്കളോ ആരും ഓഫീസ് പരിസരത്തെങ്ങുമില്ല. നിരവധി തവണ ഡല്‍ഹി ഭരിച്ച കോണ്‍ഗ്രസിന് ഇനിയൊരു തിരിച്ചുവരവിന് സാധ്യതയില്ലെന്ന് പോലും സമൂഹ മാധ്യമങ്ങളില്‍ പരിഹാസം ഉയരുകയാണ്. അതേസമയം, തെരഞ്ഞെടുപ്പില് ആംആദ്മി പാര്‍ട്ടി ഉച്ചയോടെതന്നെ കേവലഭൂരിപക്ഷം കടന്നു. 250 വാര്ഡുകളിലേക്ക് നടന്ന തെരഞ്ഞെടുപ്പില് 126 ആണ് കേവലഭൂരിപക്ഷത്തിനു വേണ്ട സീറ്റുകളുടെ എണ്ണം. ആദ്യമണിക്കൂറുകളിലെ ഫലം പുറത്ത് വന്നപ്പോള് ഇഞ്ചോടിഞ്ച് പോരാട്ടമാണ് ബിജെപിയും ആംആദ്മിയും തമ്മില് നടന്നത്. കഴിഞ്ഞ 15 വര്ഷമായി കോര്പറേഷന് ഭരിക്കുന്നത് ബിജെപിയാണ്. ഇത്തവണ ബിജെപിയെ ബഹുദൂരം പിന്നിലാക്കി ആംആദ്മി ഭരണം പിടിച്ചെടുക്കുമെന്നായിരുന്നു എക്‌സിറ്റ് പോള് ഫലങ്ങള് .