രാമനിലയത്തിലെ കത്തിയമര്‍ന്ന കൂത്തമ്പലം ഇറ്റ്‌ഫോക്ക് വേദി

ഇറ്റ്‌ഫോക്ക് നാടകരാവുകള്‍ അറിഞ്ഞോ അറിയാതേയോ കത്തിയമര്‍ന്ന ഒരു അഴിമതി ഓര്‍മ്മകള്‍ തുറന്നുവിടുകയാണ് ചെയ്തത്. വേദി തയ്യാറാക്കാനുള്ള നടപടികളുടെ ഭാഗമായി മരങ്ങള്‍ പിഴുതുമാറ്റുകയും ചെയ്തുകഴിഞ്ഞു. ഫ്രം ആഷസ് ടു അണ്‍ലിമിറ്റഡ് സ്‌കൈ എന്ന് നാമകരണവും വേദിക്കു ചെയ്തുകഴിഞ്ഞു. കത്തിയമര്‍ന്ന കൂത്തമ്പലവും അതിന്റെ പിന്നിലെ കഥകളും വീണ്ടും സമൂഹമധ്യത്തിലേക്ക് കടന്നുവരുന്നു.
ചെമ്പൂക്കാവ് രാമനിലയം വളപ്പില്‍ സാംസ്‌കാരിക വകുപ്പ് നിര്‍മിച്ചിരുന്ന കൂത്തമ്പലം. 2011 ഡിസംബര്‍ 11ന് പുലര്‍ച്ചെയാണ് കത്തി നശിച്ചത്. ഒന്നേകാല്‍ കോടി ചെലവിട്ട് പണിത കൂത്തമ്പലത്തിന്റെ പ്രധാനപണി പൂര്‍ത്തിയാക്കി മിനുക്കുപണി നടത്താനിരിക്കെയാണ് ദുരൂഹസാഹചര്യത്തില്‍ കത്തിയമര്‍ന്നത്. 24 മണിക്കൂറും പൊലീസ് കാവലുള്ള രാമനിലയം വളപ്പിനോട് ചേര്‍ന്നാണ് സംഭവമെന്നതും ദുരൂഹത വര്‍ധിപ്പിച്ചിരുന്നു. അന്നത്തെ ഐജി ബി സന്ധ്യ, കമീഷണര്‍ പി വിജയന്‍, അസി. കമീഷണര്‍ ടി കെ തോമസ് എന്നിവരുടെ നേതൃത്വത്തിലായിരുന്നു പ്രഥമിക പരിശോധന. വിരലടയാള വിദഗ്ധരും ഡോഗ് സക്വാഡും സയന്റിഫിക്, ഫോറന്‍സിക് വിദഗ്ധരുമെത്തി. ഈസ്റ്റ് സിഐ ടി ആര്‍ സന്തോഷിനായിരുന്നു അന്വേഷണച്ചുമതല. കുറ്റക്കാരെ കണ്ടെത്താനായില്ല. അങ്ങനെ കേസ് ക്രൈംബ്രാഞ്ചിന് കൈമാറി. പക്ഷെ അന്വേഷണം ഇഴഞ്ഞു