കൈപ്പമംഗലത്ത് എം.ഡി.എം.എ യുമായി രണ്ട് യുവാക്കളെ പിടികൂടി

എടവിലങ്ങ് സ്വദേശി ജോയല്‍ , മേത്തല സ്വദേശി സാലിഹ് എന്നിവരാണ് പിടിയിലായത്. ആറാട്ടുക്കടവ് ബീച്ച്, താടി വളവ് എന്നിവിടങ്ങളില്‍ പോലീസ് സംഘം നടത്തിയ പരിശോധനയിലാണ് പ്രതികള്‍ പിടിയിലായത്. ഇവര്‍ സഞ്ചരിച്ച ബുള്ളറ്റും പോലീസ് കസ്റ്റഡിയില്‍ എടുത്തിട്ടുണ്ട്. പ്രതികളുടെ ഫോണ്‍ പരിശോധിച്ച് വരികയാണ്. വരും ദിവസങ്ങളില്‍ കൂടുതല്‍ അറസ്റ്റ് ഉണ്ടാകുമെന്നും പോലീസ് അറിയിച്ചു.