യന്തിരനെ വീണ്ടും പുറത്തിറക്കി തൃശൂര്‍ കോര്‍പ്പറേഷന്‍

ന്യൂസ് ലീഡര്‍ ചാനലാണ് എഴുപ്പത്തഞ്ചുലക്ഷം മുടക്കി വാങ്ങിയ ക്ലീനര്‍ ലോറിയുടെ ദുരവസ്ഥ ജനശ്രദ്ധയിലെത്തിച്ചത്. പനംകുറ്റിച്ചിറയിലെ പകല്‍വീടുവളപ്പില്‍ ഉപേക്ഷിച്ച നിലയിലാണ് വാഹനമെന്ന് ദൃശ്യങ്ങളടക്കം ന്യൂസ് ലീഡര്‍ റിപ്പോര്‍ട്ട് ചെയ്തിരുന്നു. ഇതേ തുടര്‍ന്ന് പ്രതിപക്ഷനേതാവ് സംഭവം കൗണ്‍സിലില്‍ അവതരിപ്പിക്കുകയും പ്രശ്‌നം ചൂടുപിടിക്കുകയും ചെയ്തു. തുടര്‍ന്ന് മേയര്‍ നേരിട്ടെടപെട്ടാണ് വാഹനം ഒരു ലക്ഷം രൂപ ചിലവിട്ട് നന്നാക്കിയെടുത്തത്. ഇത്തരം വീഴ്ചകള്‍ പുറത്തുകൊണ്ടുവന്ന ചാനലിനെ അഭിനന്ദിച്ച മേയര്‍ പ്രശ്‌നങ്ങള്‍ പരിഹരിച്ച് വാഹനം സേവനരംഗത്തെത്തിച്ചതായും വ്യക്തമാക്കി.